Plantun de Prouvènço

Pèr coumpara dos planto d'encò nostre

Rumex cristatus & Tripodion tetraphyllum

Rumex cristatus

Polygonaceae

Noms en français : Patience à crêtes, Rumex à crêtes.

Descripcioun :
Aquesto paciènci es uno grando erbo di làrgi fueio en cor à la baso emé d'enflourejado longo e denso. Es uno planto que nous vèn di Balkan. Se recounèis bonodi si valvo tant larjo que longo (5 à 8 x 5 à 8 mm) e qu'an uno pichoto cresto.

Usanço :
Li fueio de la paciènci-à-cresto soun acampado e manjado dins soun pais d'óurigino (Grèço, Sicilo, Turquìo...). Jouino, li fueio podon èstre manjado cruso, mai pu vièio, soun proun amaro e li fau faire bouli (poussible emé de la). Ramentan que faudrié pas trop n'en manja malodi l'acide óussali.

Port : Grando erbo
Taio : 0,6 à 1,2(2) m
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Rumex
Famiho : Polygonaceae

Ordre : Caryophyllales

Coulour de la flour : Verdo
Petalo : 3
Ø (o loungour) flour : 4 mm
Flourido : Printèms

Sòu : Ca
Autour basso e auto : Pancaro entresigna
Aparado : Noun

Liò : Ribiero - Ermas - Camin
Estànci : Mesoumediterran
Couroulougi : Óurigino mediterranenco-Nord-Ouèst
Ref. sc. : Rumex cristatus DC., 1813

Tè(-di-quatre-fueio)

Tripodion tetraphyllum

Fabaceae Leguminosae

Nom en français : Anthyllide à quatre feuilles.

Descripcioun :
Aquesto planto, rebaladisso, pelouso e pulèu raro, trachis sus cauquié pas trop liuen de la mar. Li fueio soun coumpausado emé uno gros fueioun au bout e de un à quatre pichot sus li coustat. Li flour, de 16 à 20 mm soun jauno groupado pèr 2 à 8. Lou fru es uno dóusso di dos partido. La planto èi proutejido sus listo roujo, categourìo LC, es à dire soucit minour.

Usanço :
A bessai li mémi prouprieta que lou tè, Anthyllis vulneraria, escriéure au site se n'en sabès mai.

Port : Erbo
Taio : 5 à 35 cm
Fueio : coumpausado
Tipe bioulougico : Teroufite
Cicle bioulougico : Planto de l'an

Gènre : Tripodion
Famiho : Fabaceae
Famiho classico : Leguminosae

Ordre : Fabales

Coulour de la flour : Jauno
Petalo : irreguliero
Ø (o loungour) flour : 16 à 20 mm
Flourido : Printèms

Sòu : Ca
Autour basso e auto : 0 à 50 m
Aparado : Noun
Mars à mai

Liò : Tepiero seco - Óuliveto
Estànci : Termoumediterran à Mesoumediterran
Couroulougi : Estenoumediterrano
Ref. sc. : Tripodion tetraphyllum (L.) Fourr., 1868

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Rumex cristatus & Tripodion tetraphyllum

RRR

ges

Coumpara Paciènci(-à-cresto) emé uno autro planto

Coumpara Tè(-di-quatre-fueio) emé uno autro planto